مثل جنح الفراشه اشفاك وارقه
وعبير والورد منك راد ورقه
بكل بوسه حبيبي انطيك ورقه
واذا حلك بحلك دفتر هديه
افرح لو شفت وجهك وسر بيه
وصداقتنه بنص القلب وسر بيه
اشما طال الدرب اتعنى واسر بيه
حتى اجيب الروح لعيونك هدية
روحي غير شخصك من سكنها
وحرام البيت صاير من سكنها
تريد انسه الليالي من سكنها
ماي ونفس صارن هنه بية
طحت ولسان ولفي منتخلي
شجاك وصرت ضدي منت خلي
فوك اشفاي شفتك من تخلي
اجلب بيك ولحد المنية
على عرش القلب حبك تملك
حبيبي لاتضن روحي تملك
البدر من شاف وجناتك تملك
وانخلط نوره وضوه خدك سوية
وياريت اني من النشد محبوبي ياريت
عليك وشريد اكول للناس ياريت
قابل لو تمر بالطيف ياريت
وتردلي عيوني الطاحن بدية
الرئيسية 
أحدث الصور 
التسجيل 
دخول 
5/11/2010, 11:46 am
منتدى بيت الاحلام